ئەسسالامۇ ئەلەيكۇم:
بۈگۈن ھىجرىيە كالېندارى بويىچە مۇھەررەم ئېيىنىڭ بىرىنچى كۈنى ئىكەن، ئاڭلىسام جىق قېرىنداشلار بىر-بىرىنىڭ بۇ «يېڭى يىلى» نى تەبرىكىلىشىۋېتىپتۇ. ھارامنى بىرنى يوقىتىشقا تىرىشساق يەنە بىرنى پەيدا قىلمىساق ياخشى بولاتتى. دىندا بولمىغان ئىشلارنى پەيدا قىلىشقا ئالدىرىماي ئاللاھ ۋە ئاللاھنىڭ رەسۇلى ئۆگەتكەننى قىلىشقا ئالدىرىساقچۇ!

ھىجرىيە يېڭى يىلنى تەبرىكلەشنىڭ «ھاراملىقى»نىڭ دەلىللىرىنى ئاڭلاپ باقساق.

قارىسام تور بېتىمىزگە يېڭىدىن ئەزا بولغانىكەنسىز. قارىغاندا تور بېتىمىزنىڭ خارەكتېرى ھەققىدە ئانچە بىلىپ كەتمىگۈدەكسىز. بىزنىڭ تور بېتىمىزدە ھەممىلا ئادەمگە ئۆزىنىڭ پىكرىنى خالىغانچە سۆزلەش ھوقۇقى بېرىلگەن ئەمەس، پەقەت سۆزلىگىنى قۇرئان ۋە سۈننەتكە لايىق بولغاندىلا ئاندىن تەستىقلاپ چىقىرىلىدۇ. بۇ يەردە ئىسلامدىن ئۆزگە ھېچ نەرسىگە ئورۇن بېرىلمەيدۇ. ئەلۋەتتە ئىسلام دېگەن ئاتالغۇنى كەڭرىلىكىنى بىلسىڭىز كېرەك، ھەم ئىسلامنىڭ ماھىيىتىنى ھېچ بىلمىسىڭىز كېرەك. شۇڭا ئىككىنچى ئىنكاسىڭىز ئۆچۈرۈلدى. بۇ ئىنكاسىڭىز سەۋەبلىك بەزىلەرنىڭ كاللىسى قايمۇقتۇرۇلسا قىيامەت كۈنى بىز ھېساب بېرەلمەي قالىمىز.
سىز ھىجرىيە يېڭى يىلىنىڭ بىدئەت ئىكەنلىكىنى ئۆزىڭىز تىلغا ئالغان ئىكەنسىز. بىدئەت دېگەننىڭ نېمىلىكى، بىدئەتنىڭ ھالال بولىدىغان يەرلىرى ھەققىدە ئۆزىڭىز چۈشەنچە بەرگەن بولسىڭىز.

ئەگەر ھەممىلا كىشى مىلادىيە يېڭى يىلىنىڭ ئورنىغا ھىجرىيە كالېندارىنى دەسسىتىپ ئالغا ئىلگىرىلەيدىغان ئىش بولسا، ھەممىلا كىشى دىن بارىسىدا «پېقىرنىڭ كۆز قارىشى» نى سۆزلەيدىغان ئىش بولسا، ئاللاھ بۇ زېمىنغا پەيغەمبەر ئەۋەتىپ بىزگە دىن ئۆگىتىشىنىڭ ھېچ ئەھمىيىتى قالمايدۇ.
ئەگەر دەۋاتقىنىمىزنى توغرا، دەپ چىڭ تۇرۇۋالساق، ھېچبىر مۇپتىگە ئېھتىياجىم يوق، ۋە ياكى مەن ئۆزەم مۇپتىتىم، دەۋالساق، رەسۇلۇللاھ ئېيتقان «ئۆزىگە دوزاختىن بىر كىشىلىك ئورۇن تەييارلاپ قويۇپتۇ» دېگەنلەردىن بولۇپ قالمايمىز، دېيەلمەيمەي تۇرالمايمەن.....
سىزگە بىر چۈشەنچە: دىن توغرىسىدا بىلگەننى سۆزلەش، بىلمىگەننى جىم تۇرۇپ ئاڭلاش كېرەك. قارىسام تېرىنى مەسچىتكە زاكات دەپ بېرىش ھەققىدىمۇ ئازراق رەنجىگەن ئىكەنسىز. زاكات دېگەن نېمە؟ ئۇ كىملەرگە پەرز؟ كىملەرگە بېرىلىدۇ، دېگەن ئەڭ ئاددىي مەسىلىنى كاللىڭىزدا ئايدىڭلاشتۇرۇۋېلىڭ. مال-مۈلكىنى ھېسابلاپ كۆرمەيلا، بىر قوينى ئۆلتۈرسە شۇنىڭ تېرىسىنى زاكات دەپ ھېساپلاپ، ئاللاھ ھېچقاچان بېرىشكە بۇيرىمىغان (سۈرە تەۋبىنىڭ 60-ئايىتىنى ۋاقتىڭىز يەتسە بىر ئوقۇپ قويۇڭ) مەسچىتكە بېرىش بىلەن زاكىتىم ئادا بولدى دەيدىغان ئەخمەقلىقنى تۈگىتىش، مىلادىيە يېڭى يىلىنىڭ ئورنىغا ھىجرىيە يېڭى يىلنى دەسسەتتىم، دەيدىغان «ئىلگىرىلەش» كە قارىغاندا ھەقىقىي ئىلگىرىلەش ھېسابلىنىدۇ.
خەنزۇلاردا 言多必失دەيدىغان بىر گەپ بار. ئاللاھۇ تائالا يىپنى تاكى قىيامەتكىچە ئۇزۇن قويۇۋەتكەچكىلا دىن بارىسىدا نېمە دېسە بولۇۋېرىدىغان ئىش يوق. بۇ دىندا ھەممە نەرسىگە جاۋاب چىقىپ بولغان. ھەزرىتى جالالىدىن رۇمى مۇنداق دېگەن ئىكەن: «بىلىم ئېلىپ تەپەككۇر قىلماسلىق ئىسراپچىلىق، تەپەككۇر قىلىپ بىلىم ئالماسلىق ئازغۇنلۇق». ئالدى بىلەن يەككە مەسىلىلەردىن تارتىپ ئىنچىكىلىك بىلەن ئىزدىنىپ جاۋاب تېپىشقا تىرىشىش، تەپەككۇر بىلەن بىلىم ئېلىشنى تەڭلا يۇقىرى ئورۇنغا قويۇش كېرەك.

يەنە بىر ئىشنى ئۇنتۇپ قالمايلىكى، يوقالغان بىر سۈننەتنى قايتا بەرپا قىلىشنىڭ ساۋابى قانچىكى چوڭ بولسا، يوق بىر بىدئەتنى پەيدا قىلىشنىڭ گۇناھى ھەم ئاجايىپ چوڭدۇر. ئاللاھ بىزنى سىراتەل مۇستەقىمدە قىلغاي، ئامىن!

مەستۇرە، مەن سىزنىڭ «مۇستەبىت» ئىكەنلىكىڭىزنى، يازمىنى چالا ئوقۇپلا كىشىگە «تۆھمەت» چاپلاشقا ئاران تۇرىدىغانلىقىڭىزنى بىلدىم. مەن نەدە «جامىگە تېرىنى زاكات بەردۇق» دەپ يېزىپتىمەن؟! جامىگە زاكات بېرىشكە بولمايدىغانلىقىدىن ساۋادى بار بىر مۇسۇلمانمەن. زاكات بېرىلىشكە تېگىشلىك 8 تۈرلۈك كىشىدىن خەۋىرىم بار. قۇرئان ئوقۇيدىغان بىر مۇسۇلمانمەن. ئەلھەمدۇلىللاھ.  
سىزنىڭ بۇ مۇنبىرىڭىزگە مېنىڭ بىر يازمامنى ئوقۇپلا «كاللىسى قايمۇقۇپ كېتىدىغان ئاجىز» مۇسۇلمانلار كىرەمدۇ؟  ئۇلار توغرا-خاتانى پەرقلەندۈرەلمەسمۇ؟ ... خەير، بىر سائەت ۋاقتىمنى چىقىرىپ ئۇيلىغانلىرىمنى يازغان ئىدىم. ئەخلەتكە تاشلاپسىز، ئاللاھقا ھاۋالە قىلدىم.

ئەسسالامۇ ئەلەيكۇم!
يۇقاردىكى مەزمۇن ناھايتى توغىرا يېزىلغان. ئىسلام دىنىدا تۇغۇلغان كۈن، يېڭى يىل بايرام، نۇرۇز بايرام، مەۋجۇت ئەمەس ، ھەمدە قىلىشقا رۇخسەتمۇ يوق. پەيغەمبىرىمىزنىڭ زامانىسىدا بىر  بۈلۈك ساھابىلار ئۆزلىرىنىڭ مىللى بايرىمىنى قىلىشۋاتقان ۋاقىتتا، ھەزىرتى پەيغەمبىرىمىز كىلىپ سىلەر نېمە ئىش قىلىۋاتىسىلەر دەپ سورىغاندا، ساھابىلار بىر مىللى بايرامنى تەبرىكلەۋاتىمىز دەپ جاۋاب بەرگەن. پەيغەمبىرىمىز ئاللاھ سىلەرگە ئىككى بايرامنى چۈشۈرۈپ بەردى، روزا ھېيىت ، ۋە قۇربان ھېيىت بايراملىرىدىن ئىبارەت بۇ بايراملاردىن باشقا ھەرقانداق بايرامنى قىلىش مۇسۇلمانلارغا جايىز ئەمەس دىگەن. ئەمما ھازىرقى دەۋىرىمىزدە ئۈزىنى مۇسۇلمان دەپ تۇرۇپ باشقا دىنلارغا تەۋە بولغان نۇرغۇنلىغان بايراملارنى يۇقتۇرۋالغان مۇسۇلمانلىرىمىزمۇ ئاز ئەمەس. اللە نېمىنى قىل دېسە شۇنى قىلساق، نېمىدىن يان دىسە شۇنىڭدىن يانساق، كۈل دىگەندە كۈلۈپ، يىغلا دېگەندە يىغلىساق شۇنىڭمۇ ئەجىرى بار. ئەمما كۈپۈنچە مۇسۇلمانلار بۇلارنى ئالماشتۇرۇپ قۇيۇۋاتىدۇ.
اللە ھەممىمىزنى مەغفىرەت قىلغاي ئامىن.

ئاللاھ ئەجرىڭىزنى بەرسۇن مەستۇرە ئاچا،ئاجايىپ ئېسىل نەقىل بىلەن جاۋاپ بىرىپسىز
ئاللاھ ئىلىمىمىزنى زىيادە قىلسۇن!